Hvunndagshetja dagsins í dag - hugsa sér ef allir gerðu þetta?

Maðurinn sem braut niður húsið sitt er hvunndagshetja dagsins! Hvernig ætli þessum manni hafi liðið að gera svona hlut? Líklega hefur þetta verið tekið af honum fyrir aura og síðan átti að klára hann lika. Þetta var þaul skipulagt og dagsetningin vel valin. Kvikmyndatökumaður á staðnum. Þvílík heimild! Væntanlega hefur hann verið að horfa á eftir ævistarfinu og draumahúsinu sínu. Þetta var mjög fallegt hús á flottum stað. Frjálsi fjárfestingabankinn er sagður hafa komið seint á móts við fólk varðandi frystingar á lánum. Þeir eru sagðir vera óbilgjarnir og harðir í horn að taka. Mikið skil ég þennan mann vel!! Hugsa sér ef að allir gerðu þetta í stað þess að láta lánadrottna hagnast á heimilunum sínum?

Staða skuldara er hvergi eins veik í heiminum eins og á Íslandi. Ísland er eina landið í heiminum þar sem heimilislán eru verðtryggð. Ríkisstjórnin gerir ekkert til hjálpar fjölskyldunum í landinu. Samfylkingin laug sig inn á okkur, þóttist ætla að setja skjaldborg um heimilin en skjaldborgin þeirra var bara um lánadrottna og fjármagnseigendur. Úrræði þeirra fyrir fjölskyldurnar í landinu eru gagnslaus. Það eina sem þeir hugsa um er að komast inn í EB. Ríkisstjórnin er meira að segja tilbúin að skrifa undir óvandaðan samning um Ice-save til að koma okkur þangað inn, þótt svo að það muni gera börnin okkar og barnabörn að skuldaþrælum fjárglæpamanna. Það mætti halda að þeir ætli sér að koma hverju einasta heimili í landinu í þrot nema klíkunni, lánadrottnunum og fjármagnseigendunum, elítunni sem að þeir eru að verja. Fjölskyldurnar geta á meðan étið þar sem úti frýs, enda ætla þeir sér að nota fasteignirnar þeirra til að byggja upp nýja bankakerfið.

Bankarnir högnuðust og högnuðust en létu fólkið aldrei njóta góðs af því. Eigendur þeirra urðu bara ríkari og ríkari og höguðu sér eins og gráðug svín. Bankarnir fá fasteignalán margfalt endurgreidd til baka vegna verðtryggingarinnar. Þetta er allt svo ógeðfellt að manni langar bara til að gubba.

Bankinn fékk ekki lyklana

Athugasemdir

[Óskar Helgi Helgason (IP-tala skráð) 18.6.2009 kl. 01:33]

Heil og sæl; Anna Margrét !

Rétt; mælir þú, og óefað finnast önnur eins dæmi - heimskautanna í millum, sem ógnar samfélagið íslenzka er að verða, á æ fleirri sviðum.

Með beztu kveðjum /

Óskar Helgi Helgason

[Jón Svavarsson, 19.6.2009 kl. 02:48]

Hvað þarf að gera til að opna augu fólksins fyrir þessum svikum Samsvika-fylkingarinnar og Grængróða-hreyfingarinnar, það er með ólíkindum hvað þau komast upp með að svíkja þjóðina, fólkið sem byggir landið, annað en þessir ræanandi útrásarræningjar!

kkv Jón