það er engin glóra í að láta fólk borga þessa stökkbreyttu höfuðstóla, þessar tilbúnu upphæðir eða ofgreiðslur sem að eru þeim óviðkomandi

Allar leiðir sem miðast að því að pína fólk til að borga ofgreiðslurnar á lánunum eru glórulausar.  Ofgreiðslurnar eru upphæðir sem að urðu til út af ófullkomnum reikningsformúlum inni í tölvunum og eru ekki upphæðir sem að fólk hefur tekið að láni. Í raun getur fólk ekkert verið að borga af lánunum sínum fyrr en að þetta er leiðrétt og ekkert vit í því fyrir það að henda peningunum sínum í þá botnlausu hít.

Grunnur að lausn á vanda heimila?

Athugasemdir

[Jón Óskarsson (IP-tala skráð) 3.9.2009 kl. 12:05]

Alveg rétt hjá þér Anna Margrét.  Það er einmitt verið að pína fólk til að borga "reiknaðar stærðir en ekki þær upphæðir sem teknar voru að láni.  Skv. lögum um "neytendalán" þá ber að láta fylgja með öllum lánum útreikning á greiðslubyrði.  Venjan hefur verið að miðað við frá 2,5% og upp í 5% verðbólgu í útreikningum á verðtryggðum lánum.   Undir þetta skrifar lántaki sem og lánveitandi og því eru báðir "samningsaðilar" að undirgangast ákveðið greiðsluplan.  Hækkanir undanfarinna missira eru ekki að falla undir þessar greiðsluáætlanir. 

Leiðrétting á verðbótahækkunum lána er eina raunhæfa leiðin til úrbóta.  Afkomutenging er ekki leiðin til að leiðrétta eldri skuldbindingar.  Hins vegar er sú leið áhugaverð varðandi lánveitingar framtíðarinnar.  Þessi leið er notuð t.d. í Noregi varðandi lánveitingar til fasteignakaupa, en þar miðast greiðslubyrðin sem og lánstíminn við það hver greiðslugetan er hverju sinni og ef verulegar breytingar verða á högum lántakandans þá þarf hann ekki annað en að fara í bankann sinn og láta endurreikna greiðslugetuna og þá breytist lánstíminn til lengingar eða styttingar lánstímans og afborgunin lækkar eða hækkar mánaðarlega eftir því hvað lántakandinn ræður við.  Þar eru menn ekki að fást við verðtryggingu, heldur eru menn að ræða um eftirstöðvar nafnverðs og þar lækkar heildarskuldin við hverja greiðslu, eitthvað sem við íslendingar þekkjum ekki.

[Anna Margrét Bjarnadóttir, 3.9.2009 kl. 12:56]

Veistu að ég er sammála þessu Jón, þetta væri áhugavert að skoða varðandi lánveitingar framtíðar, en á ekki við um gömlu lánin með ofgreislunum. Þær verður bara að leiðrétta. Fólkið á bara að borga upphæðirnar sem það tók að láni og það verður bara að reikna upp aftur upphæðirnar sem að það er búið að borga fram að þessu og draga það frá höfuðstól upphæðinnar. það er ekki eðlilegt að hvað sem þú borgar hækki lánið bara.