Einkennileg árás á vörumerki sem er þekkt fyrir að vera boðberi góðrar heilsu

Það er stórundarleg þetta upphlaup og þessa árás á þetta vörumerkið Herbalife. Ekki hef ég vitað til þess áður að það sé ráðist svona á eitt vörumerki í fjölmiðlum? Hvað þá í sjálfum ríkisfjölmiðlinum sem að maður ætlast nú til að sjá orðvar, málefnalegur og vandaður fjölmiðill. Þrír fréttatímar, og að hlusta á gífuryrðin td í hádegisfréttunum!! Ætli RÚV biðjist afsökunar opinberlega á gífuryrðunum???

Það er einkennilegt hvað Magnús Jóhannsson, þrátt fyrir 17 ára krossferð sína gegn Herbalife hefur ótrúlega greiðan aðgang að RÚV með svona ásakanir gegn Herbalife, svaka umfjöllun í gærmorgun og þrem fréttatímum daginn áður, þar á meðal sjóvarpfréttum. Fréttin þarna í hádegisfréttunum var einstaklega meiðandi. Engum talsmanni fyrirtækisins gefið tækifæri að koma og andmæla, fyrr en reyndar í skrípaleik í morgunútvarpinu í gærmorgun. þar sem Jón Óttar fékk að segja tala örstutt í kjölfar langrar ræðu Magnúsar, og með eilíf frammíköll þáttastjórnandanna.  Ótúrlega pínlegt! Þetta var líka svona 2006 man ég þegar síðasta atlaga Magnúsar var háð. Stóreinkennilegt mál!

Þegar betur er að gáð kemur síðan kemur í ljós að í þessari grein sem að ber yfirskriftina ,,Lifraskaði tengdur Herbalife" eru aðeins nefndar 8 jurtir og 5 af þeim er ekki að finna í vörum frá Herbalife. Hinar jurtirnar þrjár sem nefndar eru er hin heimsþekkta heilsujurt Aloa Vera, negull sem er eitt algengasta krydd jarðar og grænt te sem að er þjóðardrykkur að minnsta kosti fjórðungs mannkyns og alþjóðaheilbrigðisstofnunin Who mælir með að fullorðið fólk drekki á hverjum degi. Ég hef nú búið töluvert á Spáni og þar á meðal á Kanarieyjum þar sem að aloa vera djús er hálfgerður heilsu-þjóðar-drykkur. Magnús er meira ekki að tala um grænt te eins og teið frá Herbalife heldur grænt te extract sem að er selt í hylkjum í apótekum en Herbalife er bara alls ekkert með á boðsstólum. Enn verður maður meira hissa á titlinum á greininni!!!

Magnús er reyndar ekki að tala um próteinið frá Herbalife heldur vörurnar roseox, Herbalifeline sem er omega 3 og grænt te.

Af hverju talar maðurinn ekki bara um þessar jurtir sem að hann hefur áhyggjur af, af hverju er hann að draga nafn á einhverju ákveðnu fyrirtæki inn í málið, tala nú ekki um þegar það eru þúsundir af framleiðendum með vörur sem innihalda þessar jurtir.

Í grein Jóns Óttars Ragnarssonar í Pressunni í dag: http://www.pressan.is/pressupennar/Lesa_Jon_Ottar/skak-og-matx er meðal annars bent á að fyrirtækið sem að Magnús virðist vera í krossför gegn, Herbalife, er þekkt fyrir að vera einn helsti brautryðjandi heims í vísindalegri vöruþróun og vinnubrögðum eitt örfárra næringarfyrirtækja sem hefur óskað eftir því við heilbrigðis- & lyfjaeftirlit í 72 löndum að þau setji vörur þeirra í strangasta eftirlitsflokk!

Eins er gott viðtalið við Sigmund Guðbjarnason fyrrverandi rektor Háskóla Íslands. Einnig hefur hann veri kennari í lyflæknisfræði og lífefnafræði við Wayne State University í Detroit í Michigan, Bandaríkjunum 1961-1962, aðstoðarprófessor og prófessor við sama háskóla 1962-1970: http://dagskra.ruv.is/ras1/4485963/2010/03/03/ , stillið á bendilinn á 2/3 af þættinum þá byrjar viðtalið við Sigmund.

Þegar hugsað er til þess að Herbalife leiðbeinir fólki um heilsusamlegan lífsstíl, kennir þeim að borða hollt, forðast óhollustu, hreyfa sig, ástunda heilsusamlegan lífsstíl þá verður þetta enn undarlega.  Laufin í Herbalife eru 3 og standa fyrir andlega uppbyggingu og heilsu, líkamlega heilsu og fjárhagslega heilsu. Á vegum Herbalife fer fram mikið sjálfboðaliðastarf þar sem almenningur getur fengið leiðsögn, hvatningu og stuðning við að breyta lífsstílnum sínum til hins betra. Þá skiptir engu hvort fólk er að nota Herbalife vörurnar eða ekki. Ég hef sjálf verið í slíkum hóp og það hefur hjálpað mér mikið með mína heilsu. Ég er búin að taka matarræðið mitt allt í gegn, ég er farin að hreyfa mig reglulega, ég er búin að grennast um yfir 20 kíló og ég hef náð að halda niðri einkennum af þremur tegundum af gigt sem að ég er greind með. Ég er með miklu minni verki og ég sef betur.  Ég get alltaf sótt stuðning í þennan glaða og góða hóp sem að hefur verið mér mikils virði.

Það er ótrúlega erfitt að breyta um lífsstíl. Áður en ég byrjaði hefði ég aldrei trúað því að ég gæti gert þetta enda sá ég ekki nema einn dag í einu í minni vanlíðan. Ég þurfti að fá hvatningu, stuðning og fræðslu. Það er ekkert í boði frá heilbrigðiskerfinu en það gat ég fengið ókeypis í heilsuklúbbnum mínum. Þar hittumst við nokkur saman sem að erum í leið að sömu markmiðum og styðjum hvort annað. Mér finnst þetta bara frábært framtak og skil ekki af hverju í ósköpunum maður skynjar alla þessa neikvæðni gagnvart því úr heilbrigðisgeiranum. Reyndar fer sú neikvæðni þverrandi og sífellt fleiri þekkja nú til þessa starfs og líta á það jákvæðum augum.

Heilbrigðiskerfið ætti að taka hóp eins og Herbalifefólkinu fagnandi hendi enda eru þessir aðilar að vinna að sömu markmiðum, að hjálpa fólki að bæta heilsuna sína. Herbalife er sannkallaður boðberi góðrar heilsu. Hálfgerðir heilsuhermenn í baráttunni gegn lífsstílssjúkdómum og offitu. Þetta er söludrifið kerfi að hjálpa fólki að laga heilsuna sína og það er mjög árangursríkt. Þeir ná til fólks, eru með öflugt stuðningskerfi, hjálpa fólki að koma sér af stað í að bæta matarræðið sitt, auka hreyfingu og þannig taka ábyrgð á eigin heilsu. Þannig létta þeir á heilbrigðiskerfinu.

Ég verð að segja það að ég hef bara ekki trú á rannsóknum gerðum af Magnúsi Jóhannssyni um Herbalife eftir að ég er búin að fylgjast með krossferð hans gegn fyrirtækinu í árafjöld. Ég vil sjá eitthvað meira og betra en þetta. Ég er alveg sannfærð um að eini tilgangur Magnúsar er að koma að ótta hjá neytendum Herbalife. Ég er sjálf mjög ánægður neytandi af vörunum og hef trú á fyrirtækinu eftir áralanga góða reynslu af því. Ég bíð bara eftir að sjá svarið frá læknum Herbalife sem að hlýtur að koma innan tíðar.
 

Sérfræðingar Herbalife vinna að úttekt

Úrræði ASÍ eru prump

 

Það var skelfilegt að hlusta á Gylfa Arnbjörnsson í morgunútvarpinu tala um úrræði ASÍ. Aðal málið hjá ASÍ , ríkistjórninni og VSÍ er stöðugleikasáttmálinn svokallaði. Fyrir okkur venjulega fólkið er þessi sáttmáli bara prump og skiptir engu máli. Það er greinilegt að þessir menn eru ekki að fara í verkfall, verkbann eða neitt slíkt. ASÍ undir stjórn Gylfa er bara strengjabrúða Samfylkingarinnar og styður bara við allar þeirra tillögur og vilja þjóðina í hengingaról greiðsluaðlögunnar. Þeir vilja að þjóðin skuldbindi sig að borga allar ofgreiðslurnar alla sína æfi. Gylfi Arnbjörnsson ætti að sjá sóma sinn í að segja af sér. Maðurinn með miljón á mánuði og lifir elítu-lífstílnum og þykist vera að gera eitthvað fyrir launalægsta fólkið í landinu!! Allt sem hann vill er að gera það að skuldaþrælum allt sitt líf!!

ASÍ: Brýnt að einfalda ferlið

Frábært tækifæri til að borga ekki Icesave

Nú eigum við að nota tækifærið og segja nei við Icesave.

Þetta er vondur samningur sem að við eigum ekkert með að borga. Nú þurfum við þjóðin að standa þétt saman og segja nei!!!  Við höfum ekkert með það að gera að borga skuldir einkabanka - Bretar og Hollendingar mundu ekki gera það sjálfir. Síðan þurfum við að senda Alþjóða gjaldeyrissjóðin heim og afþakka lánið. Ef að við gerum þetta ekki - á Ísland sér enga framtíð.

Icesave í utanríkismálanefnd

Þeim líður ekki illa út af heimilinu mínu sem brennur í arðráni auðstéttarinnar

Ég hvet ekki til skemmdaverka. Alls ekki. En ég skil vel að fólk sé orðið reitt og búið að gefast upp á að vera rólegt. Ég finn blóðið ólga í æðum mínum og sýrustigið í maganum nálgast hættumörk vegna reiðinnar yfir ósanngirninni og óréttlætinu sem að ég hef verið beytt af stjórnvöldum.

Ríkisstjórnin er að stela af mér fasteigninni minni og bílnum mínum. Ég er búin að vinna fyrir þessari fasteign og þessum bíl hörðum höndum einstæð móðir með 7 ára gamalt barn á mínu framfæri sem er með afar viðkvæma heilsu.

Fyrir kreppu átti ég 40% í fasteigninni minni. Fyrir reiknismistök bankanna þá hefur minn hlutur á stuttum tíma rýrnað á ljóshraða á meðan hlutur lánadrottna minna sem eru í eigu ríkisins hefur vaxið á ljóshraða þannig að núna á ég minna en ekkert í því.

Það hafa bæst 10 miljónir við höfuðstólinn á litlu 90 fm íbúðinni minni, peningar sem að ég tók ekki að láni. Upphæðir sem urðu til í tölvum fyrir reiknimistök bankanna. Upphæð sem er algjört mannréttindamál að stjórnvöld leiðrétti......en þau eru að reyna með öllum leiðum að véla mig til að borga. Ég segi nú bara eins og Bjarni Ármanns; það væri fjárhagslega algjörlega óábyrgt af mér framtíðar minnar vegna og dóttur minnar að borga þessa ofgreiðslu.

 Ég mun aldrei greiða ofgreiðslurnar á lánunum mínum - þessar 10 miljónir sem stjórnvöld hafa bætt við íbúðalánin mín fyrir reiknimistök bankanna og ég tók aldrei að láni. Allar þær aðferðir stjórnvalda til hjálpar heimilunum sem lúta að lengingu lána... og að ég borgi þessar ofgreiðslur koma ekki til greina

Fjölskyldubíllinn minn kostaði um 2,5 miljónir þegar ég keypti hann. Ég var lengi að safna mér fyrir honum og gat greitt meirhlutan út í hönd, 1.710.000. Restina 790.000 tók ég að erlendu láni. Nú hefur hlutur lánadrottins míns sem er í eigu ríkissins vaxið með ljóshraða á sama tíma og minn hutur hefur rýrnað á sama hraða, þannig að ég á allt í einu ekkert í bílnum mínum.

Ég fæ ekki betur séð en að íslenska ríkið sé að ræna um hábjartan dag af mér aleigunni. Ég er með óbragð í munninum yfir þessari gagnslausu ríkisstjórn sem hefur svikið þjóð sína.

Þeir sem komu þessu ástandi af stað, fjármálaglæpamennirnir, ganga bara lausir og lifa sínum elítu lífsstíl. Þeir eiga eignir, þurfa ekki að hafa áhyggjur. Ástæðan fyrir áhyggjuleysi glæpamannanna er að rikisstjórnin gagnslausa ætlar að láta okkur fólkið, fjölskyldurnar í landinu borga tjónið með fasteignunum okkar sem að þeir færa bönkunum á silfurfati. Þeir leyfa sér þá ósvífni að leiðrétta ekki reiknimistök bankanna. Þetta er ógeðslegt óréttlæti mér er illt. Mér er illt í hjartanu og mig langar til að æla.

Þetta eru enn þó bara málningarsprengjur. Ég bjó lengi í Frakklandi og á Spáni. Frakkar væru ekki svona rólegir eins og Íslendingar. Sprengjurnar þar væru kraftmeiri en vesælar málingabombur og hvellettur. Spánverjarnir væru örugglega búnir að gera eitthvað kraftmeira en málningarsprengjur. En íslenska þjóðin sogast hægt og rólega lömuð af skelfingu í dauðateygjunum niður í feigðarósinn.

Það er búið að smána þessa þjóð. Valta yfir hana. Traðka á henni ofan í svaðið.

 

Nágrönnum auðmanna líður illa

það er engin glóra í að láta fólk borga þessa stökkbreyttu höfuðstóla, þessar tilbúnu upphæðir eða ofgreiðslur sem að eru þeim óviðkomandi

Allar leiðir sem miðast að því að pína fólk til að borga ofgreiðslurnar á lánunum eru glórulausar.  Ofgreiðslurnar eru upphæðir sem að urðu til út af ófullkomnum reikningsformúlum inni í tölvunum og eru ekki upphæðir sem að fólk hefur tekið að láni. Í raun getur fólk ekkert verið að borga af lánunum sínum fyrr en að þetta er leiðrétt og ekkert vit í því fyrir það að henda peningunum sínum í þá botnlausu hít.

Grunnur að lausn á vanda heimila?

Mikið er þetta dapurlegt!

Mikið er það dapurlegt að Borgaraflokkurinn sem virtist koma eins og ferskur andblær inn í stjórnmálalífið sé í þeim sporum sem hann er nú. Þingmennirnir og hugsjónamennirnir þrír Birgitta, Þór og Margrét hafa verið þeir þingmenn á Alþingi núna sem hafa höfðað best til mín og ég treysti best. Það er dapurlegt að menn skuli missa fókusinn í svona leiðindi. Þetta er náttúrulega bara akkúrat það sem hinir flokkarnir vonuðust eftir. Ég held að það sé alveg nóg fyrir þingmenn Borgarahreyfingarnar að þurfa að takast á við hin erfiðu mál sem blasa við þjóðinni og fjölskyldunum í landinu og þeim átökum sem eiga sér stað á Alþingi þó að þeir þurfi ekki í ofánálag að eiga í átökum við eigin flokk.  Slæmt ef að undirmálsmenn ná sem aðeins hugsa um völd og eigin frama nái völdum í flokknum og að hugsjónamennirnir sem eru hjarta flokksins þurfi að láta í minni pokann.

Þráinn segir sig úr þingflokki

Innganga inn í ESB mun gera út af við íslenskan landbúnað - íslenskur landbúnaður hefur mikla sérstöðu sem ber að hlúa að og leyfa að blómstra

Ég óttast að innganga inn í ESB muni gera út af við íslenskan landbúnað. Við munum aldrei geta keppt við evrópsku landbúnaðarafurðirnar sem munu flæða yfir landið svo sem spænska grænmetið. Spænska grænmetið er td af miklu lélegri gæðum en íslenska grænmetið og er þar að auki búið að missa næringargildi sitt eftir pökkunina og ferðina til Íslands.

Er það eitthvað sem að innganga í ESB mun gera fyrir okkur, ég er að komast að þeirri niðurstöðu að svo sé ekki.

Draumurinn minn hvað varðar íslenskan lanbúnað er að einn dag verði hægt að flytja hágæða íslenskt grænmeti út frá Íslandi. Sérstaða Íslands í landbúnaði er til dæmis að við aðeins 1% lands er ræktað land, hreina loftið, hreina vatnið, hreint og náttúrulegt umhverfi, hér eru færri skordýr en annarstaðar vegna legu landsins og því þurfum við ekki að nota eins mikið af eyturefnum í landbúnaði. Mjög vel menntaðir garðyrkjufræðingar og landbúnaðarfræðingar. Miklar orkulindir, jarðhiti og rafmagn. Við höfum alla burði til þess að geta framleitt hágæða landbúnaðarafurðir, grænmeti, kjöt og mjólkurvörur fyrir eigin markað og jafnvel til útflutnings.

Verðið hefur verið of hátt fyrir almenning á almennum markaði og það þarf virkilega sérstaklega nú á krepputímum að gera allt til þess að lækka verð á innlendri framleiðslu til þessa að almenningur geti notið hennar. Lambakjöt hefur til dæmis verið allt of dýrt og hefur verið það lengi. Það skiptir miklu fyrir heilsu Íslendinga að koma heilsusamlegum matvælum og þá fyrst og fremst íslensku landbúnaðarafurðunum á lægra verð til almennings og bæta með því lífstíl þjóðarinnar. Það mun skila sér hraðar en nokkurn grunar í lægri kostnaði innan heilbrigðiskerfisins.

Það er betra fyrir alla að lækka verðið á landbúnaðarafurðum og selja þar í stað meira af landbúnaðarafurðum á heimamarkaði. Þess vegna skora ég á stjórnvöld að lækka álögur á heilsusamlegum innlendum matvælum svo sem íslenskum landbúnaðarafurðum. Við það mun líka neysluvísitala lækka og þar með fasteignalánin. Það mundi hjálpa barnafjölskyldunum mikið. Það er skelfilegt þetta ástand sem er núna að barnafjölskyldurnar séu að lifa á næringarsnauðu drasli vegna þess að fólk hefur ekki efni á að kaupa hollan mat. Körfur barnafjölskyldna í stórverslunum eru fullar af núðlusúpum og kjötfarsi. Slíka fæða mun bara koma i bakið á okkur sem aukinn kostnaður í heilbrigðiskerfinu.

Það er alltaf hollara að borða grænmeti af heimamarkaði því að við flutninginn til Íslands tapar grænmeti næringargildi sínu.

70-80% þeirra sjúkdóma sem eru að sliga heilbrigðiskerfið eru lífstílstengdir. Það þýðir að það eru sjúkdómar sem væri hægt að koma í veg fyrir með heilsusamlegum lífstíl.

Kjúklingar myndu lækka um 70%

Hvunndagshetja dagsins í dag - hugsa sér ef allir gerðu þetta?

Maðurinn sem braut niður húsið sitt er hvunndagshetja dagsins! Hvernig ætli þessum manni hafi liðið að gera svona hlut? Líklega hefur þetta verið tekið af honum fyrir aura og síðan átti að klára hann lika. Þetta var þaul skipulagt og dagsetningin vel valin. Kvikmyndatökumaður á staðnum. Þvílík heimild! Væntanlega hefur hann verið að horfa á eftir ævistarfinu og draumahúsinu sínu. Þetta var mjög fallegt hús á flottum stað. Frjálsi fjárfestingabankinn er sagður hafa komið seint á móts við fólk varðandi frystingar á lánum. Þeir eru sagðir vera óbilgjarnir og harðir í horn að taka. Mikið skil ég þennan mann vel!! Hugsa sér ef að allir gerðu þetta í stað þess að láta lánadrottna hagnast á heimilunum sínum?

Staða skuldara er hvergi eins veik í heiminum eins og á Íslandi. Ísland er eina landið í heiminum þar sem heimilislán eru verðtryggð. Ríkisstjórnin gerir ekkert til hjálpar fjölskyldunum í landinu. Samfylkingin laug sig inn á okkur, þóttist ætla að setja skjaldborg um heimilin en skjaldborgin þeirra var bara um lánadrottna og fjármagnseigendur. Úrræði þeirra fyrir fjölskyldurnar í landinu eru gagnslaus. Það eina sem þeir hugsa um er að komast inn í EB. Ríkisstjórnin er meira að segja tilbúin að skrifa undir óvandaðan samning um Ice-save til að koma okkur þangað inn, þótt svo að það muni gera börnin okkar og barnabörn að skuldaþrælum fjárglæpamanna. Það mætti halda að þeir ætli sér að koma hverju einasta heimili í landinu í þrot nema klíkunni, lánadrottnunum og fjármagnseigendunum, elítunni sem að þeir eru að verja. Fjölskyldurnar geta á meðan étið þar sem úti frýs, enda ætla þeir sér að nota fasteignirnar þeirra til að byggja upp nýja bankakerfið.

Bankarnir högnuðust og högnuðust en létu fólkið aldrei njóta góðs af því. Eigendur þeirra urðu bara ríkari og ríkari og höguðu sér eins og gráðug svín. Bankarnir fá fasteignalán margfalt endurgreidd til baka vegna verðtryggingarinnar. Þetta er allt svo ógeðfellt að manni langar bara til að gubba.

Bankinn fékk ekki lyklana

Leiðréttu heimilislánin Jóhanna og hættu að eyða tímanum í ESB

Það er með ólíkindum að á þessum ógnartímum að þá virðist eins og allur tími og áhersla ríkisstjórnarinnar fari í þetta ESB mál. Hvernig væri nú að snúa sér að blessaðri skjaldborginni utan um fjölskyldurnar í landinu og hætta að eyða tímanum í þetta ESB mál. Það verður að leiðrétta fasteignalán heimilanna strax. Heimilin í landinu eru að missa þakið yfir höfuðið í stórum stíl og ríkisstjórnin gerir ekkert til að hjálpa þeim. Það verður líka að leiðrétta kjör námsmanna strax. Þeir búa langt undir fátækramörkum. ESB getur beðið þangað betur árar.

Góð vinkona mín á nú í mikilli baráttu að halda heimili sínu sem að hún keypti haustið 2007. Hún var svo óheppin að treysta á fjármálaráðgjöf í sparisjóðnum sínum og taka lán sem var blandað erlend myntkarfa og ILS. Henni var ráðlagt að þetta væri hægstæðasta lánið sem völ væri á. Lánið var fyrir einu ári 14 miljónir en er núna komið upp í 40. Nú gengur sparisjóðurinn hamförum í harðri innheimtu gegn henni! Það eru þessi mál sem þarf að taka á Jóhanna...en ekki ESB!

Segir Norðurlönd styðja ESB-umsókn Íslands

Það er ekki forsvaranlegt að beyta niðurskurðarhnífinn fyrst gegn námsmönnum, öryrkjum, ófrískum konum, barnafólki eða öðrum þeim sem minnst hafa. Lækkið laun hálaunafólks ríkisins!

Í þessu árferði er ekki forsvaranlegt að beita niðurskurðahnífnum fyrst gegn fátækasta fólkinu í landinu,  námsmönnum, öryrkjum, ófrískum konum, barnafólki eða öðrum þeim sem minnst hafa á milli handanna. Námsmönnum er ætlað að lifa af 100 þúsund krónum á mánuði sem er langt undir öllum fátækrar og velsæmismörkum og það er skömm að því.

Það er ekki með nokkru móti hægt að réttlæta það ríkisstarfsmenn séu með miljón á mánuði í laun. Sanngjarnt væri að lækka alla hátekjumenn ríkisins verulega. Íslenska ríkið hefur ekki efni á að borga svona há laun. Nú þarf bara að skipta peningunum á milli fólksins. Það geta allir lifað góðu lífi með 3-400 þúsund krónur á mánuði. Það er hinsvegar ekki hægt að lifa mannsæmandi lífi með undir 200 þúsund krónur á mánuði eins og er verið að bjóða fólki upp á í stórum stíl.

„Ekki einfalt að lækka laun ríkisstarfsmanna"